天文台好波!
以免有衛道之士衝出嚟喊打喊殺，我講定先：「知唔知打風好慘 X 10」、「打完風返嚟積埋更多嘢做 X 20」、「打風半日再迫車返工更慘 X 30」。有同事話唔理咁多，總之見少一陣老闆都開心，我真係想大巴大巴車佢，生性啲啦！其實老闆當我哋好似仔女咁錫，同事就好似兄弟姊妹一樣，一家人嚟架！
仲有呀，眼見未為真，上星期水浸都係黃雨，唔好期望打風唔成有黑雨呀，天文台咁專業，佢話係就係啦！最緊要唔好影響星期一個市吖嘛，秒秒鐘幾廿萬上落架~~~班富豪！我哋啲低收入人仕唔好阻人發達啦！
Plan咗出街嘅同事，乖乖哋喺屋企休息，唔係聽日冇精神做嘢。
PS: 有零售業前線員工話8號波只要維持到5:00pm，佢哋今日就唔使返，辦公室日報幫你祈福！
Search